Wakefield Mystery Plays Quotes
A curated collection of the best quotes about Wakefield Mystery Plays.
Top Quotes
“Ffyrst must us crepe and sythen go.”
“Now god gyf you care foles all sam;
Sagh I neuer none so fare bot the foles of gotham.”
“Wikipedia: Wakefield Mystery Plays”
“Say, felows, how semys now me
To sit in seyte of trynyte?
I am so bright of ich a lym
I trow me seme as well as hym.”
“We, that were angels so fare,
And sat so hie above the ayere,
Now ar we waxen blak as any coyll,
And ugly, tatyrd as a foyll.
What alyd the, lucifer, to fall?”
“Bot we sely shepardes that walkys on the moore,
In fayth we are nere handys outt of the doore;
No wonder as it standys if we be poore,
For the tylthe of oure landys lyys falow as the floore.”
“For I am he that may make or mar a man;
My self if I it say as men of cowrte now can;
Supporte a man to day to-morn agans hym than,
On both parties thus I play and fenys me to ordan
The right.”
“We ar so hamyd,
For-taxed and ramyd,
We ar mayde hand tamyd,
With thyse gentlery men.
Thus thay refe vs oure rest oure lady theym wary!
These men that ar lord fest thay cause the ploghe tary.”
“Whoso couthe take hede and lett the warld pas,
It is ever in drede and brekyll as glas,
And slythys.
This warld, fowre never so,
With mervels mo and mo,
Now in weyll, now in wo,
And all thyng wrythys.”
“Thus hold, thay us hunder,
Thus thay bryng us in blonder;
It were greatte wonder,
And ever shuld we thryfe.
For may he gett a paynt slefe or a broche now on dayes,
Wo is hym that hym grefe or onys agane says!”
“Here is a bag full, lokys,
Of pride and of lust,
Of Wraggers and wrears a bag full of brefes,
Of carpars and cryars of mychers and thefes,
Of lurdans and lyars that no man lefys,
Of flytars, of flyars and renderars of reffys;
This can I.”
“Ryse, hyrd men heynd! for now is he borne
That shall take fro the feynd that adam had lorne:
That warloo to sheynd this nyght is he borne.
God is made youre freynd now at this morne.
He behestys,
At bedlem go se,
Ther lygys that fre
In a cryb full poorely,
Betwyx two bestys.”
“Lord, I were at ese and hertely full hoylle,
Might I onys have a measse of wedows coyll;
For thi saull, without lese shuld I dele penny doyll,
So wold mo, no frese that I se on this sole
Of wifis that ar here,
For the life that thay leyd,
Wold thare husbandis were dede,
For, as ever ete I brede,
So wold I oure syre were.”
“He shall out of preson pas,
For that he begyled was
Thrugh the edder, and his wyfe;
Thay gart hym towch the tree of lyfe,
And ete the frute that I forbed,
And he was dampned for that dede.
Ryghtwysnes wyll we make;
I wyll that my son manhede take,
For reson wyll that ther be thre,
A man, a madyn, and a tre:
Man for man, tre for tre,
Madyn for madyn; thus shal it be.”
“He can make purveance,
With boste and bragance,
And all is thrugh maintenance
Of men that are gretter.
Ther shall com a swane as prowde as a po,
He must borow my wane my ploghe also,
Then I am full fane to graunt or he go.
Thus lyf we in payne anger, and wo,
By nyght and day;
He must have if he langyd,
If I shuld, forgang it,
I were better be hangyd
Then oones say hym nay.”